4.7 C
New York
Thursday, February 9, 2023

Buy now

spot_img

२७ वर्ष पछी दिपावलिको बेलामा आज सुर्यग्रहण लाग्ने भएको छ।

मङ्गलवार, विसं २०७९ कार्तिक ८ गते तदनुसार अक्टोबर २५, २०२२ का दिन चन्द्रमा सूर्यको अगाडिबाट जाने भएकाले आंशिक सूर्य ग्रहण हुनेछ।




आज ग्रस्तास्त खण्डग्रास सूर्यग्रहण लाग्ने छ: नेपालमा ग्रस्तास्त खण्डग्रास सुर्यग्रहण आज दिउँसो ४ः५२ बजे स्पर्श गर्नेछ भने ग्रहण लागेको ३२ मिनेटपछि बेलुकी ५ः२४ बजे नेपालमा सूर्यास्त हुने भएको छ। करिब ३२ मिनेटमात्र नेपालबाट देखिने ग्रहण त्यसपछि नेपालबाट नदेखिने तर ग्रहण बेलुकी करिब ६ः४५ बजे मात्र सकिने भएको छ। यो समयमा ध्यान, स्नान, दान गरे राम्रो मानिन्छ भने परम्परा अनुसार केहि मानिसहरूले ग्रहण लाग्नु भन्दा केही घन्टा अगाडि देखी नै अन्न खाँदैनन्।

विश्वभरका मानिसहरूले आआफ्नो स्थानअनुसार यस ग्रहणलाई देख्न सक्नेछन् ।यस आंशिक ग्रहण अफ्रिका, एसिया, युरोप र युनाइटेड किंगडमको गुर्नसेको उत्तरी गोलार्धमा देखिनेछ र उत्तरी ध्रुव र रुसमा चाहिँ ग्रहणको सबैभन्दा चरम सीमा देखिनेछ ।

यो ग्रहण नेपाल भारत का साथै युरोप, अफ्रिका को उत्तर पूर्वी भाग र एसियाको दक्षिण पश्चिम भाग बाट देखिनेछ ।

करिब ३२ मिनेट लाग्ने सूर्य ग्रहण नेपाली समय अनुसार दिउँसो ४ बजेर ५२ मिनेटमा ग्रहण स्पर्श हुनेछ। साँझ ५ बजेर २४ मिनेट मा ग्रहणको अवधि सकिनेछ ।

ग्रहणको समयमा के गर्ने ?

ग्रहणको समयमा ग्रहण स्पर्श भए सँगै नदी, तलाउ, पोखरी, तीर्थस्थान, खोला, समुन्द्र आदिमा स्नान गर्ने र त्यसै पूण्यकाल अर्थात् ग्रहणको समयमा यथाशक्ति एवं भक्तिले जनावर, चराचुरुङ्गी, निमुखा प्राणी तथा असहाय प्राणीहरूलाई दान तथा सहयोग गर्नु निक्कै राम्रो मानिन्छ ।




यसका साथै ग्रहण कालमा आफ्नो दीक्षा मन्त्रहरू छ भने जप गर्नु, नभए भगवानको मन्त्रहरूको जप तथा ध्यान, होम आदि गर्नाले हजारौँ गुणा बढी फल मिल्ने शास्त्रोक्त वचन छ । यदि आफ्नो राशिको महादशा, अन्तर्दशा थाहा छ भने त्यसको जप गर्नाले ग्रह पीडा कम भई नवग्रहको असीम कृपा प्राप्त हुनेछ ।

कुनै जातकको जन्म कुण्डलीमा सूर्य ग्रहण योग परेको छ भने त्यस्ता जातकले सूर्यनारायण तथा शिवजीको उपासना गर्नाले अत्यन्त लाभकारी हुनेछ । यसका अतिरिक्त वाक्सिद्धि, साधना आदि कोलागि पनि पूण्यकाल अर्थात् ग्रहणको समय उपयुक्त मानिन्छ । ग्रहणको पूण्यकालमा ब्रह्माचर्याको पालना गर्दै मनमा गलत विचार आउन नदिई सकारात्मक विचारको मनन, चिन्तन गर्ने, धार्मिक गीत सङ्गीत तथा भजन गाउने वा सुन्ने, वेद, पुराण, उपनिषद, गीता इत्यादि धार्मिक ग्रन्थको अध्ययन गर्दै मनलाई प्रसन्न बनाइराख्नु अत्यन्तै लाभदायक हुनेछ ।

ग्रहण प्राकृतिक घटना हो, त्यसैले ग्रहण तथा सूतकबाट भयभीत हुनुहुँदैन । यस खण्डग्रास सूर्य ग्रहणले मनुष्य जीवन, जीवजन्तु तथा पर्यावरणमा प्रत्यक्ष प्रभाव पार्ने भएकाले ग्रहण तथा सूतकबाट भयभीत नभई ग्रहणलाई सम्यक् रूपले सकारात्मक पक्षबाट लिन आवश्यक छ ।




ग्रहणको समयमा हाम्रो घरमा सूर्यको विकिरण तथा नकारात्मक ऊर्जा घरभित्र प्रवेश हुने भएकाले ग्रहण कालमा पकाएर खानेकुरा राख्नुहुँदैन, यसोकासाथै दूध, दही, घ्यू, पानी, अचार आदि छ भने त्यसमा तुलसी पत्र वा कुश राख्नाले त्यस्ता खानेकुरालाई खराब नगर्ने शास्त्रीय मान्यता छ । यसका साथै घरको मुख्य द्वारमा या खानेकुराको छेउमा शुद्ध गाईको गोबर राख्नाले ग्रहणबाट निस्कने विकिरण तथा नकारात्मक ऊर्जालाई रोक्ने सहयोग गर्दछ, अतः गाईको गोबर राख्नु राम्रो मानिन्छ ।

आज ग्रस्तास्त खण्डग्रास सूर्यग्रहण लाग्ने छ: नेपालमा ग्रस्तास्त खण्डग्रास सुर्यग्रहण आज दिउँसो ४ः५२ बजे स्पर्श गर्नेछ भने ग्रहण लागेको ३२ मिनेटपछि बेलुकी ५ः२४ बजे नेपालमा सूर्यास्त हुने भएको छ। करिब ३२ मिनेटमात्र नेपालबाट देखिने ग्रहण त्यसपछि नेपालबाट नदेखिने तर ग्रहण बेलुकी करिब ६ः४५ बजे मात्र सकिने भएको छ। यो समयमा ध्यान, स्नान, दान गरे राम्रो मानिन्छ भने परम्परा अनुसार केहि मानिसहरूले ग्रहण लाग्नु भन्दा केही घन्टा अगाडि देखी नै अन्न खाँदैनन्




Related Articles

LEAVE A REPLY

Please enter your comment!
Please enter your name here

Stay Connected

0FansLike
3,706FollowersFollow
0SubscribersSubscribe
- Advertisement -spot_img

Latest Articles